بعض كلمات اغاني السيدة ام كلثوم

سيرة الحب:
طول عمرى بخاف من الحب
وسيره الحب وظلم الحب لكل اصحابه
واعرف حكايات مليانه آهات ودموع وآنين
والعاشقين دابو ما تابو طول عمرى بقول
لا انا قد الشوق وليالى الشوق
ولا قلبى قد عذابه

********

وقابلتك انت لقيتك بتغير كل حياتى
معرفش ازاى حبيتك
معرفش ازاى يا حياتى
من همسه حب لقيتنى بحب
لقيتنى بحب وأدوب فى الحب
وصبح وليل على بابه

*********

فات من عمرى سنين وسنين
شفت كتير وقليل عاشقين
اللى بيشكى حاله لحاله
واللى بيبكى على مواله
أهل الحب صحيح مساكين
ياما الحب نده على قلبى
مردش قلبى جواب
يا ما الشوق حاول يحايلنى
واقوله روح يا عذاب

*********
ياما عيونى شاغلونى لكن ولا شغلونى
الا عيونك انت دول بس اللى خدونى
وفى حبك امرونى
أمرونى أحب لقيتنى بحب
لقيتنى بحب وأدوب فى الحب
وصبح وليل على بابه

*********
ياللى ظلمتو الحب وقولتو وعيدتو عليه
قولتو عليه موش عارف ايه
العيب فيكو يا فى حبايبكو
اما الحب يا روحى عليه
فى الدنيا مفيش ابدا ابدا احلى من الحب
نتعب نغلب نشتكى منه لكن بنحب

*********

يا سلام على القلب وتنهيده فى وصال وفراق
وشموع الشوق لما يقيدو ليل المشتاق
يا سلام على الدنيا وحلاوتها فى عين العشاق
وانا خدنى الحب لقيتنى بحب
لقيتنى بحب وادوب فى الحب
وصبح وليل على بابه

*********

ياللى مليت بالحب حياتى
اهدى حياتى إليك
روحى قلبى عقلى حبى
كلى ملك ايديك
صوتك نظراتك همساتك
شئ موش معقول
شئ خلا الدنيا
زهور على طول وشموع على طول
الله يا حبيبى على حبك وهنايا معاه
الله يا حبيبى الله الله
ولا دمعه عين جرحت قلبى ولا قولت آآآه
مابقولش فى حبك غير الله الله الله
الله يا حبيبى على حبك الله الله
من كتر الحب لقيتنى بحب
لقيتنى بحب وأدوب فى الحب
وصبح وليل على بابه

بعيد عنك :
نسيت النوم وأحلامه نسيت لياليه وأيامه
بعيد عنك حياتي عذاب ما تبعدنيش بعيد عنك
ماليش غير الدموع أحباب معاها بعيش بعيد عنك
غَلبني الشوق وغلبّنى وليل البعد ذوّبنى
ومهما البعد حيّرني ومهما السهد سهّرني
لا طول بعدك يغيرني ولا الأيام بتبعدنى
بعيــــــــد بعيــــــــد عنك.

*****

لا لوم ولا دمعه في عنيّه مخلّاش الفراق فيّا
نسيت النوم وأحلامه نسيت لياليه وأيامه
وبين الليل وآلامه وبين الخوف وأوهامه
بخاف عليك وبخاف تنساني
والشوق إليك على طول صحّانى

*****

افتكر لى لحظه حلوه للهوى..
وافتكر لي مره غِنوه يوم سمعناها سوا
خد من عمري عمري كله إلا ثواني أشوفك فيها
الشـــــــــــــوق آه من الشوق آه وعمايله
ياما بداريها ياما ياما ..ياما بحكيها ياما ياما
بخاف عليك وبخاف تنساني
والشوق إليك على طول صحّانى

*****

كنت بشتاق لك وأنا و انت هنا..بيني وبينك خطوتين
شوف بقينا ازاى أنا فين يا حبيبي و انت فين
والعمل إيه العمل ماتقوللى اعمل إيه؟
والأمل إنت الأمل تحرمني منك ليه؟
عيون كانت بتحسدنى على حبي
ودلوقتى تبكى عليّا من غٌلبى
وفين إنت يا نور عيني يا روح قلبي فين؟
فين أشكى لك فين؟
عندي حاجات وكلام
دمعك يا عين بيريحنى بُكايا ساعات
بخاف عليك وبخاف تنساني
والشوق إليك على طول صحّانى

حيرت قلبي معاك:
حيرت قلبــــى



حيرت قلبى معاك وانا بدارى واخبى
قولى اعمل ايه وياك ولا اعمل ايه ويا قلبى
بدى اشكيلك من نار حبى
بدى احكيلك على اللى فى قلبى
واقولك على اللى سهرنى واقولك على اللى بكانى
واصورلك ضنا روحى وعزة نفسى منعانى

***

يا اسى بص فى عنيه وشوف ايه انكتب فيها
دى نظره شوق وحنيه ودى دمعه بداريها
وده خيال بين الاجفان فضل معايا الليل كله
سهرنى بين فكرى واشجان وفاتلى جوه العين ضله
وبين شوقى وحرمانى وحيرتى ويا كتمانى
بدى اشكيلك من نار حبى
بدى احكيلك على اللى فى قلبى
واقولك على اللى سهرنى واقولك على اللى بكانى
واصورلك ضنا روحى وعزه نفسى منعانى

****

ياما ليالى انا وخيالى افضل اصبر روحى بكلمه يوم قولتهالى
وابات افكر فى اللى جرالك واللى جرالى
واقول ماشافشى الحيره عليا لما بسلم
ولا شافشى يوم الشوق فى عنيه راح متكلم
وارجع واسامحك تانى واحنلك والقانى
دى اشكيلك من نار حبى
بدى احكيلك على اللى فى قلبى
واقولك على اللى سهرنى واقولك على اللى بكانى
واصورلك ضنا روحى وعزه نفسى منعانى

****

خاصمتك بينى وبين روحى وصالحتك وخاصمتك تانى
واقول ابعد يصعب على روحى تطاوعنى ليزيد حرمانى
هفضل احبك من غير ماقولك ايه اللى حير افكارى
لحد قلبك مايوم يدلك على هوايا المتدارى
ولما يرحمنى قلبك ويبان لعينى هواك
وتنادى على اللى انشغل بك وروحى تسمع نداك
ارضى اشكيلك من نار حبى وابقى احكيلك على اللى فى قلبى
واقولك على اللى سهرنى واقولك على اللى بكانى
واقول يا قلبى ليه تخبى وليه يا نفسى منعانى

ألف ليلة وليلة:
الف ليله وليله
يا حبيبي .. الليل وسماه .. ونجومه وقمره وسهره
وإنت وأنا .. يا حبيبي أنا .. يا حياتي أنا
كلنا في الحب سوا .. والهوى .. آه منه الهوى
سهران الهوى .. يسقينا الهنا .. ويقول بالهنا
يا حبيبي .. يالله نعيش في عيون الليل
ونقول للشمس تعالي بعد سنة .. مش قبل سنة
دي ليلة حب حلوه بألف ليلة وليلة
بكل العمر .. هو العمر إيه غير ليلة زي الليلة


* * *

إزاي أوصف لك يا حبيبي إزاي .. قبل ما أحبك كنت إزاي
كنت ولا امبارح فاكراه .. ولا عندي بكره أستناه
ولا حتى يومي عايشاه
خدتني بالحب في غمضة عين .. وريتني حلاوة الأيام فين
الليل بعد ما كان غربة مليته أمان
والعمر اللي كان صحرا صبح بستان
يا حبيبي .. يالله نعيش في عيون الليل
ونقول للشمس تعالي بعد سنة .. مش قبل سنة
دي ليلة حب حلوه بألف ليلة وليلة
بكل العمر .. هو العمر إيه غير ليلة زي الليلة


* * *

يا حبيبي إيه اجمل م الليل واتنين زينا عاشقين
تايهين ما احناش حاسين العمر ثواني والا سنين
حاسين اننا بنحب وبس
عايشين لليل والحب وبس
يا حبيبي الحب حياتنا وبيتنا وقوتنا
للناس دنيتهم واحنا لنا دنيتنا
وإن قالوا عن عشاقه بيدوبوا في نار أشواقه
أهي ناره دي جنتنا
الحب عمره ما جرح .. ولا عمر بستانه طرح
غير الهنا وغير الفرح
يا حبيبي يالله نعيش في عيون الليل
ونقول للشمس تعالي بعد سنة .. مش قبل سنة
دي ليلة حب حلوه بألف ليلة وليلة
بكل العمر .. هو العمر إيه غير ليلة زي الليلة


* * *

يا قمر ليلي .. يا ظل نهاري .. يا حبي .. يا أيامي الهنية
عندي لك أجمل هدية
كلمة الحب اللي بيها .. تملك الدنيا وما فيها
واللي تفتح لك كنوز الدنيا ديه .. قولها ليه
قولها للطير .. للشجر .. للناس .. لكل الدنيا .. قول
الحب نعمة .. مش خطية
الله محبة .. الخير محبة .. النور محبة
يا رب تفضل حلاوة سلام أول لقا في ايدينا
وفرح أول ميعاد منقاد شموع حوالينا
ويفوت علينا الزمان يفرش أمانه علينا
يا رب
لا عمر كاس الفراق المر يسقينا
ولا يعرف الحب مطرحنا ولا يجينا
وغير شموع الفرح ما تشوف ليالينا
يا حبيبي يالله نعيش في عيون الليل
ونقول للشمس تعالي بعد سنة .. مش قبل سنة
دي ليلة حب حلوه بألف ليلة وليلة
بكل العمر .. هو العمر إيه غير ليلة زي الليلة

انت عمري:
إنت عمري

رجعوني عينيك لأيامي اللي راحو
علموني أندم على الماضي وجراحه
اللي شفته قبل ما تشوفك عينيه
..عمري ضايع يحسبوه إزاى عليا
إنت عمــــــــــــري إنت عمري
اللي إبتدا بنورك صباحه

*********
.
أد إيه من عمري قبلك راح وعدّى يا حبيبي
ولا شاف القلب قبلك فرحه واحده
ولا ذاق في الدنيا غير طعم الجراح
إبتديت دلوقتي بس أحب عمري.
.إبتديت دلوقتي أخاف أخاف لا العمر يجرى
كل فرحه إشتاقها من قبلك خيالي
إلتقاها في نور عينيك قلبي وفكري

**********

يا حياة قلبي يا أغلى من حياتي
ليه؟ ليه؟ ما قابلنيش هواك يا حبيبي بدري
اللي شفته قبل ما تشوفك عينيه..
عمري ضايع يحسبوه إزاى عليا
إنت عمــــــــــــري إنت عمري
اللي إبتدا بنورك صباحه إنت إنت عمري.

********

الليالي الحلوة..الليالي الحلوة
والشوق و المحبة.
من زمان والقلب شايلهم عشانك
دوق معايا الحب دوق حبّه بحبّه
من حنان قلبي من حنان قلبي
من حنان قلبي اللي طال شوقه لحنانك.
هات عينيك تسرح في دنيتهم عينيه
هات إيديك ترتاح للمستهم إيديه

*******

يا حبيبي تعالى ..يا حبيبي تعالي
وكفاية يا حبيبي اللي فاتنا
هو فاتنا يا حبيبي الروح شويه؟
اللي شفته قبل ما تشوفك عينيه..
عمري ضايع يحسبوه إزاى عليا
إنت عمــــــــــــري إنت عمري
اللي إبتدا بنورك صباحه إنت عمري

********

يا أغلى من أيامي يا أحلى من أحلامي
خدني لحنانك خدني عن الوجود وإبعدني
بعـــــــــيد بعـــــــــيد
أنا وإنت آه بعيــد بعيــد وحدينا
على الحب تصحي أيامنا
على الشوق تنام ليالينا
صالحت بيك أيامي سامحت بيك الزمن
نسيتني بيك آلامي ونسيت معاك الشجن

********

رجعوني عينيك لأيامي اللي راحو
علموني اندم على الماضي وجراحه
اللي شفته قبل ما تشوفك عينيه
عمري ضايع يحسبوه إزاى عليا
اللي شفته اللي شفته
قبل ما تشوفك عينيه..عمري ضايع يحسبوه إزاى عليا
إنت عمــــــــــــري إنت عمري
اللي إبتدا بنورك صباحه إنت إنت إنت عمري

لسه فاكر:
لسه فاكر

لسه فاكر قلبى يديلك امان
ولا فاكر كلمه هتعيد اللى كان
ولا نظره توصل الشوق والحنان
لسه فاكر كان زمان كان زمان
لسه فاكر كان زمان كان زمان

******

كانت الايام فى قلبى دموع بتجرى
وانت تحلالك دموعى وهى عمرى
يا ما هانت لك وكانت كل مره
تمحى كلمه من امالى فيك وصبرى
كلمه كلمه لما راح الهوا ويا الجراح
كلمه كلمه لما راح الهوا ويا الجراح

******

واللى آسيته فى ليلى
اتنسى اتنسى اتنسى ويا الصباح
انهارده الحب والشوق والحنان
لما تسألنى اقولك كان زمان
لسه فاكر كان زمان كان زمان

******

يا ما حليت لك آهااااات قلبى
وهى من قساوتك انت والايام عليا
كنت تسمعها نغم واسمع صداها
نار تدوب حبنا شويه بشويه
النغم رجعت حلاوته لقلبى وفضلك قساوته
والهوا اللى بان عليا ابتديت تعرف غلاوته

******

انهارده الحب سيره كان وكان
لما تسألنى اقولك كان زمان
لسه فاكر كان زمان كان زمان

******

والليالى كنت بتسمى الليالى
لعبه الخالى وهى عمر غالى
كنت بسأل عليك ظنى ودموعى
وانت متهنى بحيرتى وانشغالى
قولى ايه قصدك معايا بعد ماعرفنا النهايه
انت ليه مشتاق لحبى ولا لدموعى وقسايه

******

انهارده الحب سيره كان وكان
لما تسألنى اقولك كان زمان
لسه فاكر كان زمان كان زمان

دارت الايام:
دارت الايام



ودارت الايام ومرت الايام ما بين بعاد وخصام
وقابلته نسيت انى خاصمته
ونسيت الليل اللى سهرته
وسامحت عذاب قلبى وحيرتى
معرفش ازاى ازاى انا كلمته
مقدرش على بعد حبيبى
انا ليا مين مين الا حبيبى

********

قابلنى والاشواق فى عنينه
سلم وخد ايدى فى ايديه
وهمسلى قاللى الحق عليه
نسيت ساعتها بعدنا ليه
فين دموع عينى اللى مانامت ليالى
بابتسامه من عيونه نسيهالى
امر عذاب واحلى عذاب
عذاب الحب للاحباب
مقدرتش اصبر يوم على بعده
ده الصبر عايز صبر لوحده
مقدرش على بعد حبيبى
انا ليا مين مين مين الا حبيبى؟

********

وصفولى الصبر لقيته خيال
وكلام فى الحب يادوب ينقال
اهرب من قلبى اروح على فين
ليالينا الحلوه فى كل مكان
مليناها حب احنا الاتنين
وملينا الدنيا امل وحنان
عينى عينى على العاشقين
حياره مظلومين
على الصبر موش قادرين
عينى يا عينى ياااااااا عينى

********

ودارت الايام ومرت الايام
وهل الفجر بعد الهجر
بلونه الوردى بيصبح
ونور الصبح صحى الفرح
وقال للحب قوم افرح
من فرحتى فرحتى توهت مع الفرحه
من فرحتى لا بنام ولا بصحى
وليقتنى معاه بعيش فى ربيع
مفيش كده من شوق ماينتهيش
وشوق تانى ابتدى


********

مقدرتش اصبر يوم على بعده
ده الصبر عايز صبر لوحده
مقدرش على بعد حبيبى
انا ليا مين مين مين الا حبيبى

امل حياتي:

أمل حياتــى


أمل حياتي يا حب غالي ما ينتهيش
يا أحلي غنوة سمعها قلبي ولا تتنسيش
خد عمري كله..بس إنها رده ..
بس إنهارده خليني أعيش
خليني جمبك خليني في حضن قلبك
وسيبني أحلم سيبني
يا ريت زماني مايصحنيش مايصحنيش

**********

أملي ..حياتي..عينيه
يا أغلى مني يا أغلي مني عليا
يا حبيب إمبارح وحبيب دلوقتى
يا حبيبي لبكره ولآخر وقتي
يا حبيبي يا حبيبي
إحكي لي وقول لى
إيه من الأماني ناقصني تانى وأنا بين إيديك
عمري ما دوقت حنان في حياتي زى حنانك
ولا حبّيت يا حبيبي حياتي إلا عشانك
وقابلت آمالي وقابلت الدنيا وقابلت الحب
أول ما قابلتك وإديتك قلبي يا حياة القلب
أكتر من الفرح ده ما أحلمش
أكتر من اللي أنا فيه ما أطلبش
بعد هنايا معاك يا حبيبي
لو راح عمري..أنا أنا أنا ماأندمش

********

وكفايا أصحي على ابتسامتك بتقول يا عين
أسمعها غنوة..أسمعها غنوة
بتقوللى حب ما ينتهيش
خليني جمبك خليني في حضن قلبك
وسيبني أحلم سيبني
يا ريت زماني مايصحنيش مايصحنيش

*********

ياللى حبك خلي كل الدنيا حب
ياللى قربك صحي عمر وصحي قلب
و إنت معايا يصعب عليا رمشة عينيه ولا حتى ثانية
يصعب عليا ليغيب جمالك ويغيب دلالك ولو شوية
قد كده مشتاق إليه قد كده ملهوف عليه

********

نفسي أنده لك بكلمه كلمه متقالتش لحد تانى
كلمه قد هواك ده كله..كلمه قد هواك ده كله
قد أشواقي وحناني
كلمه زيّك..كلمه زيّك واللي زيّك فين؟
ده إنت زيّك متخلقش اتنين
خليني جمبك خليني في حضن قلبك
وسيبني أحلم سيبني
يا ريت زماني مايصحنيش مايصحنيش

*********

يا حبيبي مهما طال عمري معاك
برده أيامه قليلة
السعادة والحنان اللي في هواك
مايقضيناش أجيال طويلة
حُبك يا حبيبي ملا قلبي وفكري
بينوّر ليلي ويطوّل عمري
بيزيد بيزيد في غلاوته دايماً بيزيد
وتمّلى جديد في حلاوته تملّى جديد

**********

إنت خليتني أعيش الحب وياك ألف حب
كل نظره إليك بحبك آه بحبك..بحبك من جديد
وأفضل أحبك من جديد وأفضل أحب
أنا حبيت في عينيك الدنيا كل الدنيا
حتى عوازلي أو حسادي
كل الناس حلوين في عينيه حلوين
طول ما عينيه شايفه الدنيا وإنت قصادي

**********

وأنام وأصحى على شفايفك بتقول يا عيني
أسمعها غنوة..أسمعها غنوة
بتقوللى حب ما ينتهيش ما ينتهيش
خليني جمبك خليني في حضن قلبك
وسيبني أحلم سيبني
يا ريت زماني مايصحنيش مايصحنيش

الاطلال:

الأطــــلال


يا فؤادى لا تسل اين الهوى
كان صرحا من خيال فهوى
اسقتى واشرب على أطلاله
وارو عنى طالما الدمع رواه
كيف ذاك الحب أمسى خبرا
وحديثا من أحاديث الجوى
لست أنساك وقد اغريتنى
بفم عذب المناداه رقيق
ويد تمتد نحوى كيد
من خلال الموج مدت لغريق
وبريق يصنعه السارى له
اين فى عينيك ذياك البريق؟

****
يا حبيبا زرت يوما ايكه
طائر الشوق يغنى يوم المى
لك ابطاء المذل المنعم
وتجنى القادر المحتكم
وحنينى لك يكوى اضلعى
والثوانى جمرات فى دمى


أعطنى حريتى أطلق يديّ
اننى أعطيت ما استبقيت شيئا
آآه من قيدك أدمى معصمى
لما ابقيه وما ابقى عليا
ما احتفاظى بعهود لم تصونها
و إلام الاسر والدنيا لدىّ

*****

اين من عينى حبيبى ساحر
فيه عــــز ودلال وحيـــاء
واثق الخطوه يمشى ملكا
ظالم الحسن شجى الكبرياء
عبق السحر كأنفاس الربا
ساهم الطرف كأحلام المساء

*****
أين منى مجلس أنت بـه
فتنة تـم سلاء وسنــا
وانا حب وقلب هائم
وفراش حائر منك دنا
ومن الشوق رسول بيننا
ونديم قدم الكاس لنا
هل رأى الحب سكارى مثلنا
كم بنينا من خيال حولنا
ومشينا فى طريق مقمر
تثب الفرحة فيه قبلنا
وضحكنا ضحك طفلين معا
وعدونا فسبقنا ظلنا

****

وانتبهنا بعدما هان الرحيل
وافقنا ليت ليت ان لا نفيق
يقظة طاحت بأحلام الكرى
وتولى الليل صديق
و إذا النور نذير طالع
و إذا الفجر مطل كالحريق
و إذا الدنيا كما نعرفها
و إذا الاحلام كل فى طريق
أيها الساهر تغفو .تذكر العهد وتصحو
و إذا ما التئم جرح .جد بالتذكار جرح
فتعلم كيف تنسى وتعلم كيف تغفو

*****

يا حبيبى كل شئ بقضاء
ما بأيدينا خلقنا تعساء
ربما تجمعنا أقدرانا
ذات يوم بعدما عــــز اللقاء
فإذا انكر خل خـــله
وتلاقينا لقاء الغرباء
ومضى كل الى غايته
لا تقل شئنا فإن الحظ شاء

حب ايه:
حـــب ايــــه



حب ايه اللى انت جاى تقول عليه
انت عارف قبله معنى الحب ايه ؟
لما تتكلم عليه
حب ايه ايه ايه اللى انت جاى تقول عليه

انت مابينك وبين الحب دنيا
دنيا ماتطولها ولا حتى بخيالك
اما نفس الحب عندى حاجه تانيه
حاجه اغلى من حياتى ومن جمالك
انت فين والحب فين ظالمه ليه دايما معاك
ده انت لو حبيت يومين كان هواك خلاك ملاك
ليه بتتجنى كده على الحب ليه
انت عارف قبله معنى الحب ايه
حب ايه ايه ايه اللى انت جاى تقول عليه

****

كنت بخلصلك فى حبى بكل قلبى
وانت بتخون الوداد من كل قلبك
بعت ودى ..بعت حبى ..بعت قلبى
بعت ودى ليه ؟بعت حبى ليه ؟بعت قلبى ليه ؟
بعتنى وفاكرنى ليه هشتاق لقربك ليه ؟

*****

يا ما طول عمرى رضيت منك اسيه
لما داب املى وانا بتمنى ودك
كل شكوى كنت بتشوفها فى عينيه
وانت فى قربك ناسينى زى بعدك

*****

انت فين والحب فين ظالمه ليه دايما معاك
ده انت لو حبيت يومين كان هواك خلاك ملاك
ليه بتتجنى كده على الحب ليه
انت عارف قبله معنى الحب ايه
حب ايه ايه ايه اللى انت جاى تقول عليه

الحب كله :
الحـــب كلــه


الحب كله حبيته فيك الحب كله
وزمانى كله انا عيشته ليك زمانى كله
حبيبى قول للدنيا معايا ولكل قلب بدقته حس
يا دنيا حبى وحبى وحبى
ده العمر هو الحب وبس
واسقينى واملا واسقينى تانى
من الحب منك من نور زمانى
اسقينى ياللى من يوم ماشوفتك
حسيت كأنى اتخلقت تانى

****

روح قلبى يا حياة ايامى يا روح قلبى
يا حبيبى يا ملاك احلامى يا روح قلبى
انا كنت ايه قبل ماشوفك انا كنت ايه
وكنت عايش يا حبيبى ايامى ليه
طريق حياتى مشيته قبلك فى ليل طويل
لا قلب جمبى يحس بيا ولا طيف جميل
ولما شوفتك اول ماشوفتك
بكل الشوق الدنيا لقيتنى مشدود اليك
وبكل حب الدنيا نديتك وجريت عليك

*****

ناديت على الدنيا بحالها ولكل قلب بدقته حس
يا دنيا حبى وحبى وحبى
ده العمر هو الحب وبس
واسقينى واملا واسقينى تانى
من الحب منك من نور زمانى
اسقينى ياللى من يوم ماشفتك
حسيت كأنى اتخلقت تانى

*****

الهوا العطشان فى قلبى بيندهك
يا ارق من النسمه واجمل من الملاك
انت روحى وكل عمرى ونور حياتى
يا حياتى ايه انا بالنسبه لك
حبيبى ده انا مخلوق علشانك
يادوب عشانك عشانك انت
وقلبى عاش على لمس حنانك
يادوب حنانك حنانك انت


*****
حلوه حلوه الايام حلوه الاحلام حلوه
حلوه حياتى حلوه حلوه يا سلام حلوه
حلوه بتمر قوام حلوه ويا حياتى
يا زمان يا زمان يا ليالى طويله
احلامها جميله وحالتى معاك
يا زمان يا ليالى بتجرى بتطوى آمال وتفوتها رماد
فيها لو تنسى اتنين اتنين فى الحب
اتنين فى الحب اتنين للحب
دايبين عايشين

****

عايشين نقول للدنيا بحالها
ولكل قلب بدقته حس
يا دنيا حبى وحبى وحبى
ده العمر هو الحب وبس
واسقينى واملا واسقينى تانى
من الحب منك من نور زمانى
اسقينى ياللى من يوم ماشوفتك
حسيت كأنى اتخلقت تانى

*****

يا حبيبى يا عبير الشوق يا حبيبى
يا نصيبى من ليالى الشوق يا حبيبى
شعر ايه ؟ده الكلام اللى فى عينيك
خلى احلى كلام يغير
عطر ايه ؟ ده العبير اللى فى ايديك
بيقول ايديك هى العبير
من الربيع اللى فى شفايفك
للليالى اللى فى عنيك
من اللهيب اللى فى خدودك
للحنان اللى فى ايديك
رحله تاهت روحى فيها وتهت فيها

*****

خبينى من الزمان خبينى
وبعيد عن عيونه دارينى
على الفرحه الكبيره يا خوفى
لياخدها ولا يخلينى
حبيبى قول للدنيا معايا ولكل قلب بدقته حس
يا دنيا حبى وحبى وحبى
ده العمر هو الحب وبس
واسقينى واملا واسقينى تانى
من الحب منك من نور زمانى
اسقينى ياللى من يوم ماشوفتك
حسيت كأنى اتخلقت تانى

اغدا" القالك :

أغدا القــــاك


اغدا القاك
يا خوف فؤداى من غدى
يالشوقى واحتراقى فى انتظار الموعد
اه كم اخشى غدى هذا وارجوه اقترابا
كنت استدنيه لكن هبته لما اهاب
واهلت فرحة القرب به حين استجاب
هكذا احتمل العمر نعيما وعذابا
مهجة حاره وقلب مسه الشوق فذاب

****

انت يا جنه حبى واشتياقى وجنونى
انت يا قبله روحى وانطلاقى وشجونى
اغدا تشرق اضوائك فى ليل عيونى
اه من فرحة احلامى ومن خوف ظنونى
كم اناديك وفى لحمى حنين ودعاء
رجائى انا كم عذبنى طول الرجاء
انا لولا انت لم احفل بمن راح وجاء
انا احيا فى غد الان باحلام اللقاء
فأات او لا تأت او فافعل بقلبى ماتشاء
هكذا احتمل العمر نعيما وعذابا
مهجه حاره وقلب مسه الشوق فذاب

****

هذه الدنيا كتاب انت فيه الفكر
هذه الدنيا ليال انت فيها العمر
هذه الدنيا عيون انت فيها البصر
هذه الدنيا سماء انت فيها القمر
فارحم القلب الذي يصبو اليك
فغدا تملكه بين يديك
وغدا تأتلف الجنة انهارا وظلا
وغدا ننسى فلا نقسى على ماض تولى
وغدا نسهو فلا نعرف للغيب محلا
وغدا للحاضر الزاهر نحيا ليس الا
قد يكون الغيب حلوا حلوا انما الحاضر احلى
هكذا احتمل العمر نعيما وعذابا
مهجة حره وقلبا مسه الشوق فذابا

انا اكتر شي بحبو فيهم
اغنية سيرة الحب وانت عمري وحيرت قلبي معاك
وفي كمان بس هدلو اكتر تلاته
شكرا يا نسمه

يسلمو يا احلى واغلى نسمة .

عنجد اغاني روعة وما في احلى من اغاني ام كلثوم .

تسلمي شاتيلا
تسلمي فلسطنية منورين

يسلمو كتيرررررررر
كلهم حلوين
هيك الفن مش زي اليوم !!!!!

هلا هلا صفاء اه والله بس مين يسمع

منورة اشواق يسلمو ع المرور

يسلمو

هلا هلا جريح منور