ليش البنات بتحب مهند؟؟

شاتيلا كتب:

بسم الله الرحمن الرحيم


البنات اغبلهم بحبو مهند لييييش؟؟
لانو في شويه فروق بين مهند وفلسطيني...



- مهند -


يرجع من الدوام من الشركة .. يروح لـ نور .. يبوس راسها .. وبحنان يحضنها .. .. يقولها :


( وحشتيني .. ما بـقدر اتحمل بُعدك عني ! بكفــي 8 ساعات بالشركة ما بشوووفـك ..! )


_الفلسطيني_

يرجع الفلسطيني من الشغل .. يروح لـ مرته ..مكشر مش شايف القرد قدامه..بخش ع مرتو لا سلام ولا كلام.. بشلح اواعيه وبرميهم على التخت او على الارض .. واول ما بينطق بحكي لمرتو :


( شو طابخه اليوم .. هااااااااااااااا ... طبعا بترد عليه وبتقلو مقلوبه ..بحكيلها احه ما اسقع دمك ...يعني مش عارفه اني هلق باجي من الشغل وجوعان وبدي انام... بتعرفيش تكوني محضره الاكل ؟؟ )


.
.


- مهند -


نور حامل .. يا الله على الدلع ! خايف عليها من نسمة الهوا .. ويقولها :


( كلّي حبيبتي مشانك ومشان ابننا ! وديري بالك على صحتك .. وما تزعلي ابـــداً مشان البيبي ما يزعل منــــووووووب )


- الفلسطيني -


مرتو حامل ! ومسكينه المره متوحمه ع تفاح اخضر .. طبعا بقولها :


( اووووووووفففف !! شوفي ما تضلك تنقي فوق راسي !! كلي تفاح احمر وانتي ساكته .. مو لازم اخضر ! اهو كله تفاح .. ولا ناويه تفلسيني..)


.
.


- مهند -


مهند طالع مع نور من السوق .. وقاعدين بشترو الهم قواعي.. ودار الحوار التالي :


نور : حبيبي .. شو رايك بالفستان الاحمر .. حلو مو ؟!
مهند : أيـــــــه ! حلو كتير .. بس لو لبستيه بيجنن اكتر .. انتي بتحلّي الفستان !
نور ( مستحيه ) : بحبـــــــــــك .. دخيلك منين جايب كل هالغزل هااد ؟
مهند : دخيلك انتي ! تؤبرنـــي ابتسامتييك شو حلوه !


- الفلسطيني -


الفلسطيني طالع مع مرته ع السوق ..بعد ميت نق من مرتو انو يجي معها .. ما دار بينهم حوار .. ليش ؟!
لانو اهو يمشي قدامها .. وهي وراه بتجري ..


وكل اللي قاله ( بسرعه خلصي .. يالله بدنا نروح علي الف شغله وشغله) !


.
.


- مهند -


قام من النوم بنص الليل .. وما شاف مرته جنبو .. بنجن يخاف ..بروح بدور عليها تحت بالطابق الارضي.. ولما لقاها رايحه تشرب ماي بالمطبخ .. قال لها


( لِـــك ! شغلتي بالي عليكــي .. وين كنتي ؟! بتشربي ميّ ؟! بالهنا حبيبتي مطرح ما يسري يمري )


_ الفلسطيني_

قام من النوم بنص الليل .. ما شاف زوجته جنبو .. بستناها لما ترجع.. ووببلش يصيح :


يعني لما حضرت جنابك تروحي تنخسفي تتدولقي ميه ... ما بتعرفي تطفي الضو وراكي.. هااااا
.
.


- مهند -


قاعد يقرا كتاب .. وفجاه اجتو نور .. لابسه فستان جديد لنج .. وصار هالحوار ..


نور : حبيبي شو رايك بالفستان الجديد ؟!
مهند : بيجنن عليكي ! اخذ من جمالك قطعـــه ..


- الفلسطيني -


قاعد بحضر مباراه ريال مدريد وبرشلونه ..يا عمي شباب الفلسطيني مش مستواهم الجرايد والكتب والمجلات حافظينها عن غييييب!
و مرته بدها تفاجئو بالفستان الجديد .. بدها اياه يشوفها .. نطت قدامو عشان يشوف .. وصار هالحوار :


الفلسطيني : قوووووووووووومي تقوم قيامتك حلي عن وجهي هلق! مش شايفتيني بحضر المباراه ؟!
المره : حبيبي شايفتك .. كنت بدي ياك تشوف فستاني الجديد .. شو رأيك ؟!
الفلسطيني : بدك تخربي علي المباراه .. ما شفت حركة رونالدينيو كيف دخل الجووووووول!
المره : اي يلا عاد.. شو رايك بالفستان ؟!
الفلسطيني : شو الموضه الفايعه اللي مطلعينها ؟! هذا فستان بزمتك ؟واديش حقو ان شاء الله .. هااااا
وبعدين من جبتي مصاري ... ولمين قلتي بدك تنزلي ع السوق !

===============

******منقول******
وليش البنات بتحب مهند قال .....

فلسطينية كتب:

شاتيلا كتب:

واللة بتجنن يسلمو يا روحي .

وكلامك كلو 100% هاد الي بصير بحياتنا اليومية .

وبقولو ليش منحب مهند .
عنجد كتيييير حلووووو .